Setjhaba sa Afrika Borwa se ntse se makaditswe ke mosadi ya rekisitseng mora wa hae wa dilemo di pedi
Mosadi enwa ya dilemo tse 32 o se a hlahelletse Lekgotleng la Dinyewe la Vanderbijlpark, Kgutlo Tharo ya Lekwa ka diqoso tsa kgwebisano ka batho, mmori wa ho etsa bonokwane le ho etsa ditlaleho tsa leshano sepoleseng.
Diqoso tsena di tla kamora ditlaleho tsa la 10 Pudungwana tsa hore mme enwa o ile a rekisa mora wa hae ho batho ba sa tsejweng.
Sepolesa se boletse hore ha jwale ho ntse ho se tsebahale moo mora enwa e leng Kutloano Shalaba moo a teng.
Mosadi enwa o ile a kwallwa kamora hoba a fane ka tlaleho a sa hlakang ho sepolesa. Eitse moo sepolesa se mo hlomang dipotso o ile a dumela hore tlaleho ya hae ha e na nnete kahare.
O tla boela a hlahella kgotla ka la 27 Pherekgong 2025.
Sepolesa se kopa mang kapap mang a ka bang le lesedi la moo Kutloano a leng teng a ikopanye le Captain Mokgoto ho 082 778 7937 le Sergeant Thembeka Maxambela ho 079 695 1338. A ka letsetsa le ho #CrimeStop ho 08600 10111 kapa a romelle lesedi ho #MySAPSApp
