Letsatsi la Sontaha sa di 27 Mmesa monongwaha e tla be e le la selemo sa bo 31 ho tloha haesale baahi ba Afrika Borwa ba leba dikgethong tsa pele tsa demokrasi.
Letsatsi lena ke leo baahi ba naha ena ba ke keng ba le lebala le hanyenyane. Ke letsatsi leo ka lona ba ketekang tokoloho ya bona mmusong wa bohanyapetsi le wa kgethollo.
Jwaloka tlwaelo ngwaha le ngwaha MaAfrika Borwa a tshwara mekete ho phatlalla le naha ho keteka letsatsi lena.
Monongwaha Tonakgolo ya Free State, MaQueen Letsoha-Mathae, e tla keteka letsatsi lena motseng wa Bloemfontein, Mangaung.
Mokete wa o tla tshwarelwa Holong ya Motse ya Grassland, Masepaleng o moholo wa Mangaung.
Tonakgolo o tla boela a arabela dintlheng tse mmalwa tse ileng tsa hlahisa ke setjhaba nakong ya ho ketelo ya hae ya ho qetela sebakeng seo.
