Mohlankana o lletswe ke ditshepe Kutlwanong, Odendaalsrus, kamora hoba setopo sa kgarebe ya hae se fumanwe se epetswe mokoting o se tjhekwang ka botebo.
Ho tshwarwa ha monna enwa ho tla kamora hoba sepolese se phatlalatse setshwantsho sa mohlankana eo mme se kope setjhaba ho batliswa yena.
Ditlaleho tsa sepolesa di bolela hore hore setopo sa Mpho Sohpy Mpatane ya dilemo tse 26 se fumane ka Moqebelo wa la 16 Phato 2025 kamora hoba a tlalehwe a lahlehile. Dipatlisiso di lebisitse Sepolesa le motletlebi mokhukhung sebakeng sa K10 Kutlwanong.
Ho fihleng moo ba kopane le motho wa ntate a boletseng hore le yena o ntsa batlana le lehlatsipa. Sepolesa se kopile ho batlisisa ka hara sebaka seo sa bodulo, mme ba fumana mobu ka tlasa setulo sa soufa le bethe.
Ha sepolesa se ntse se epolla mobu oo ke moo se ileng sa hlokomela leoto la motho. Mme hanghang ba emisa ka ho epa, mme lekala la Bloemfontein K9 la kenywa tshebetsong ho epolla. Sepolesa se fumane setopo sa mosadi se tlanngweng molomong ka lesela.
