Tlaleho ka Moqolotsi wa Ditaba wa Puisano
Letsholo la kopanelo ka Sepolesa sa Afrika Borwa sa Zamdela le Kliprivier le behile ditholwana tse ntle.
Sepolesa se utulletse dihaiya, dintho tsa mokokotelo tseo boholo ba tsona e leng dijo kahare.
Letsholo lena le bile ka Mantaha a yona bekeng ena ha sepolesa se tla fumana thepa ya maiketsetso. Sepolesa se boletse hore ena ke katleho e kgolo ntweng ya sona kgahlano le thepa ya mokunyata.
Ho ya ka Sepolesa tsena tsohle di fumanehile letsholong la sona la ho phenyekolla seterateng sa Eland, Daleside.
Ke moo Sepolesa se ile sa nka meqeqekohadi ya ditlhapi tsa mabereke tsa Luck Star Pilchards hammoho le motjhini o hatisang o sebediswang ho fetola matsatsi a ho qetela ao ditlamehile hore di be di rekisitswe.
Batho ba supileng ba dilemo tse pakeng tsa 18 le 29 ba lletswe ke ditshepe ka baka la ho hloka ditokomane tse ba dumellang ho ba kahare ho Afrika Borwa.
