Lekala la Sepolesa sa Kroonstad e leng (Kroonstad Family Violence, Child Protection and Sexual Offences (FCS) Unit), le ipiletsa ho setjhaba ho ka thusetsa ho fumana Mme wa Lesea le sa tswa tswalwa la ngwanana le fumanweng le lahlilwe.
Ka Mantaha wa la 20 Phupu 2026, horeng ya bo boraro, Sepolesa sa Steynesrus se ile sa arabela tletlebo ya Lesea le fumanweng ntlong e senyehileng seterateng sa Edward, Steynsrus.
Ho ba Sepolesa se fihle moo, se ile la lebiswa phaposing ya ho robala, moo ho fumanweng Lesea le sa tswa tswalwa la ngwanana le sa apara le phuthetswe ka kobo e kgubedu feela betheng. Sepolesa se ile sa bitsa ba Ditsebeletso tsa Potlako tsa Bongaka hang-hang, mme Lesea la tsamaiswa ho ya fumana kalafo.
Sepolesa se ipiletsa ho mang kapa mang ya ka tsebang ka Mosadi ya sa tswa fumana ngwana eo Lesea la hae le seng le sa bonahale, kapa motho ya ka bang le lesedi le ka thusang ho fumana Mme wa Lesea lena, ho ikopanya le Sepolesa setsheng se haufi le yena sa Sepolesa.
