Nakong eo baahi ba motse wa Jaggersfontein ba ntse ba leka ho kgutlisetsa maphelo a bona seemong kamora ho wela ke koduwa ya ho phatloha ha morafo o mabapa le motse, mokga wa South African Communist Party (SACP) o ile wa etela sebaka ho lokela maemo a ditaba.
Ketelo ena e bile ya Komiti e Bohareng ya mokga ona ka tlasa boetapele ba Mongodi wa Kakaretso wa yona, Solly Mapaila, ya neng a tsamaya hammoho o ne a tsamaya mmoho le Motlatsa-mongodi wa pele Madala Masuku, maloko a komiti ya bohareng Tinyiko Ntini, Majoro Masepaleng wa Kopanong Cllr Xolani Tseletsele, Mongodi Profensing ya Free State Bheki Stofile le a mang a maloko wa mokgatlo ona.
Komiti e ile ya ikopanya le malapa, dihwahi le mekgatlo e meng ya dikgwebo kahare ho toropo ya Jaggersfontein, e Masepaleng wa Kopanong Free State. Lebaka e le ho ikutlwela le ho buisana ka mathata le di phephetso tsa bona kamora koduwa ya ho phatloha ha letamo la morafo ngwahola.
Hara dintlha tse hlahelletse ke thuso e monyebe ho tswa mmusong wa Profensi, maqheka a botsamaisi ba Maene a ho arola setjhaba dikotwana ka maikemetso a ho se qabanya, hammoho le raporoto ya dipatlisiso ka ketsahalo eo ke mafapha a fapaneng e sa lokollweng.
