Ebile sa ntja le katse dithabeng tsa Maluti kantle ho Kgubetshwana, Clarens, e masepaleng wa Dihlabeng, leboya ho Foreisitata nakong eo Mapolesa a mane a neng a sa tswa phethela mosebetsi wa bona wa bosiu, ba itela ho hlwa dithaba ho tsomana le ho phallela mmelaellwa wa teko ya peto.
Qetellong, Mapolesa ana a ile a tshwasa mme a tshwara mmelaellwa enwa hona dithabeng moo.
Monna enwa wa letswantle ya bileng a se na ditokomane tsa bojaki tse nepahetseng ke modisa wa mehlape wa mehleng. O ile a amangwa ka katleho ketsong ya botlokotsebe ya teko ya peto ya mosadi a dilemo tse 46 ka Sontaha sa ho feta.
