Mongodi ya tsejwang le ho hlaloswa jwaloka mmuelli wa dipuo tsa Afrika le setso e leng Prof Ngügi Wa Thiong’o o hlokahetse ka la 28 Motsheanong 2025 a le dilemo tse 87.
Kgabane ena ho tsa bongodi ba dibuka, papadi tsa dikaleng le thuto o boela a rolelwa kgaebane ka karolo eo a e bapetseng bolwaneding ba tokoloho ya naha ya habo ya Kenya hara tse ding.
Dilemong tsa bo 1977 Wa Thiong’o o nyahladitse ho ngola ka puo ya senyesemane mme a kgetha ho ngola ka puo ya hae ya lapeng Gikuyu.
Tse ding tsa dibuka a ileng a tuma ka tsona ke Weep Not, Child a e ngodilweng ka selemo sa 1964, Devil On The Cross, River Between hara tse ding.
