Sepolesa sa Parys se kene letsholong la ho batlana le baboloi ba molebeledi wa sepetlele.
Molebeledi enwa a thunngwa le bolaelwa sepetleleng sa Parys leboya la Foreistata, masepaleng wa Ngwathe. Polao ena e sehloho e tshositse baahi ba motse le bakudi ba sepetlele seo sa Parys.
Ho ya ka sepolesa sa Afrika Borwa, molebeledi enwa wa sepetlele o ile a hlaselwa nakong eo a neng a leka ho thibela ho utswa ha dithapo tsa motlakase. Sena se etsahetse nakong eo molebeledi enwa a ntseng a theohetse ka yona.
Sepolesa se ipiletsa ho mang kapa mang ya ka bang lesedi ka ketsahalo ena ho ikopanya le Detective Constable Jabulani Moqhedlana nomorong ya 082 466 8094/ 082 554 3041.
