Lekgotla la Motse Masepalang wa Moqhaka le nkile qeto ya ho hatisa Molaodi wa Masepala oo(Municipal Manager)e leng, Ms PH Tshabalala, kosene.
Qeto ena e nkilwe kopanong e ikgethileng ya Lekgotla lena la motse e neng e dutse ka la 29 Pherekgong 2026, Kroonstad.
Mohato ona wa Lekgotla lena la motse o tla kamora ho kgethwa le ditefello tse entsweng khampaning ya bohokahanyi ya, PKC Consulting (Pty) Ltd, e kgethilweng ho hlahloba maemo a dikgokahanyo tsa marangrang kamora hore di hlaselwe ke ‘Cyber Attack’ ka selemo sa 2023.
Masepala ore qeto ena e nkilwe kamora dipuisano tse hlokolotsi ho latela sephetho sa kutlo ya dikgalemelo sa la 04 Pudungwana 2025, se fumaneng Tshabalala a le molato wa tshebediso e mpe ya tjhelete le ho tlola molao wa Municipal Finance Management Act(MFMA).
Masepala ona ore o entse kopo ho Letona Lefapheng la Puso ya Kopanelo le Ditaba tsa Setso, TZ Mokoena ho ba romelle Molaodi wa nakwana, ya nang le bokgoni le boiphihlelo.
Masepala o re o tshepisa baahi, basebetsi le banka-karolo botle hore diphetoho tsena di ka se ame phano ya ditshebeletso.
