Ke masiyasiyane mo hloka lebelo ho MaAfrika Borwa naha ka bophara. Lepotlapotla ke la ho etsa bonnete ba hore dimitara tsa bona tsa motlakase di malala a laotse bakeng sa marangrang a matjha a tla ho kena tshebetsong ho tloha ka mantaha.
Eskom e fane ka nako ho fihlela ka Sontaha, 24 Mphalane 2024, hore basebedisi ba motlakase ba be ba fetoletse dimitara tsa bona tsa motlakase ho mofuta o motjha wa marangrang o bitswang KRN2.
Khampani ena ya phephelo ya motlakase kwano mona Afrika Borwa e boletse hore basebedisi ba motlakase bao dimitara tsa bona di tla be di ntse di dutse ho KRN1 ha ba sa tla hlola ba kgona ho kenya dinomoro tsa motlakase oo ba tlabeng ba o rekile kamora Sontaha.
Eskom e kopile bareki ba motlakase ho hlwela dimitara tsa bona hore e be di se di le ho KRN 2 ka mokgwa o latelang:
Ho lekola hore mitara e maemong a hantle etsa tjena:
- Kenya nomoro ena 1844 6744 0738 4377 2416 ho mitara.
- Ha e bontsha 1 kapa 1.2, mitara ya hao ya motlakase e hloka ho fetola boemo.
- Ha e bontsha 2 kapa 2.2, mitara ya hao e motjheng, e lokile.
Ho qetella ho fetola mitara ya hao etsa tjena:
• Kenya dinomoro tsa pele tse 20 tse setlankaneng seo o se rekileng sa motlakase
• Kenya tsa bobedi tse 20 moo setlankaneng.
• Qetella ka ho kenya tse 20 tsa motlakase oo o rekileng tse hona moo setlankaneng sa motlakase o sa tswa o reka.
O ka etela website ya Eskom bakeng sa ho bona hore mosebetsi wa ho fetolwa ha marangrang a dimitara o ntse o ya jwang: Key Revision Number – Distribution (eskom.co.za)
