Basadi ba bararo ba batseka ba Kroonstad iphumane ba panyapanya ntlwana tshwana mafelong ana a sa tswa feta a beke ka diqoso tsa tjotjo.
Sepolesa boletse hore ketsahalo ya ho tjotjo e etsahetse nakong eo basadi bana ba batseka bao e leng balaola sephetephete ba dilemong tse 43, 44 le 45 ba ne ba emisa nthoro-nthoro pakeng tsa Hennenman le Kroonstad ho e hlahloba.
Ke moo ba ile ba iphapanyetsa diphoso tseo ba di fumaneng ho nthoro-nthoro eo mme ba ipatlela ditlhapiso tsa R2 000 bakeng sa ho fana ka ditefiso ho ya ka Molao wa Sephetephete sa Mebileng.
Mmuelli wa Sepolesa, Lieutenant Colonel Zweli Mohobeleli, o re kamora ketsahalo ena mokganni wa nthoro-nthoro o ile a tsebisa monga hae hang hang mme yena a tlaleha ketsahaolo ena sepoleseng. Ke moo sepolesa se ileng sa theha leraba la ho tshwasa babelaellwa mme ke moo ba ileng ba kgona ho ba qhautsa.
