Victoria De Beer ha e sa le Majoro feela empa e se e le moetapele wa African National Congress lebatoweng la Fezile Dabi.
De Beer o phahamela setulong sa boetapele tjena ka nako eo e ntseng e le Majoro wa Ngwathe.
Majoro enwa wa Ngwathe o kgethwa ka mora ketsahalo e sehloho ya ho tjhesetswa ntlo ya mme wa hae nakong ya boipelaetso bo bileng Tumahole.
De Beer e kile ya e ba e setho sa komiti e kgolo ya Mokgatlo wa batjha wa ANC nakong ya MoPresidente wa Mokgatlo oo, Collen Maine.
De Beer o kgethilwe sebokeng sa ho kgetha boetapele ba Lebatowa la Fezile Dabi e bileng ka Pherekgong monongwaha.
Dikgetho di tsamaile tjena:
Modulasetulo:
•Victoria De Beer
Motlatsi wa Modulasetulo:
•Toy Mokatsane
Mongodi:
•Thabo Mabasa
Motlatsi wa Mongodi:
•Isaac Ngozo
Motshwara Matlotlo:
•Nthabiseng Mokodutlo
