Sepolesa sa Mafube, Frankfort ka tshebedisano le Ofisiri ya Sepolesa e Ikarabellang ka Tshebedisano le Setjhaba seterekeng (#CommunityPolicingOfficer – CPO), hammoho le liboto tsa Seboka sa Tshebedisano Pakeng tsa Sepolesa le Setjhaba (Community Policing Forum – CPF) tsa lehae le tsa setereke, ba ile ba tshwara Seboka sa Selemo le Selemo (AGM) holong ya sekolo sa Falesizwe, Namahadi ka Labone la la 8 Mphalane 2026.
Seboka sena se ne se kenyeletsa baemedi ba Lefapha la Ntshetsopele ya Setjhaba, Lefapha la ditshebeletso tsaTlhabollo ya Batshwaruwa, Lefapha la Toka, Ditshebeletso tsa Tshohanyetso tsa Bongaka (EMS), Lefapha la Sephethephethe, Lefapha la Bophelo bo Botle, Free State Care in Action, Rural, ESKOM, GCIS le mekgatlo e ikemetseng e sa etseng phaello (NGOs).
Sepheo sa seboka e ne e le ho buisana ka ditaba tse amang setjhaba, mekgwa e ka sebediswang ho rarolla mathata, hammoho le ditsela tsa ho matlafatsa tshebedisano pakeng tsa sepolesa le setjhaba e le hore ba sebetse mmoho.
Sebokeng seo, ho ile ha boela ha kgethwa ditho tse ntjha tsa CPF. W/O Motsapole o ile a tsamaisa lenaneo, ha Captain Mphuthi le Constable Hadebe bona ba ile ba araba dipotso le ho sebetsana le matshwenyeho a setjhaba.
Mosela Tsotsetsi o ile a kgethwa e le molula-setulo, hammoho le motlatsi wa hae, Tumelo Dhlamini. Phumzile Modise o kgethilwe e le mongoli e motjha, ha Motjheso a kgethwa e le motlatsi wa hae.
Thandi Mofokeng ke ramatlotlo e motjha, athe Refilwe Mokoena o kgethilwe e le ofisiri e ikarabellang ka likamano tsa sechaba (PRO). Ditho tse ding tse kgethilweng ke Monghali Tshabalala, Monghali Dhlamini, Mofumahali Aletta Dlamini le Siyabonga Twala. Brigadier Sefatsa o ile a nehelana ka mantswe a kamohelo le dikgothatso ho ditho tse sa tswa kgethwa, a di kgothalletsa ho phetha boikarabelo ba tsona ka boitelo le tshebedisano-‘moho. Ekaba ditho tsa setjhaba tse ka bang 144 tse bileng teng sebokeng sena.
