Veli Moloi ya tsebahalang ka la Mvololo lehaeng habo Qwaqwa o lenaneng la dibohodi tse ntjha tsa Lesedi FM.
Ho tloha kgweding ena e tlang ya Mmesa, Mvololo o tla di soka ka lesokwana le leholo mesong e meholo horeng ya bobedi ho fihla ho ya ho bohlano hoseng lenaneong la Dikalaneng.
Moloi o hlalositswe e le motjha ya mafolofolo le ya matla nakong eo Lesedi FM le neng le phatlalatsa lenane le letjha la dibohodi le mananeo ao ba tlang ho a hasa selemo se setjha sa ditjhelete sa 2023/2024 se qalang ka Mmesa selemong se seng le se seng.
Mvololo o filwe monyetla le sebaka sa ho tshwara lenaneo lena la Dikalaneng hammoho le Mzwakhe Kachela. Mvololo o tla thakgola beke ho tloha Mantaha ho fihla Laboraro. Kachela yena o tla le hlwella Labone le Labohlano.
Lesedi FM le boetse le entse diphetho tsena tse latelang:
- Moleboheng Maoela o tla kena dieteng tsa Dikeledi Mageseni lenaneong la Rea Thella Afternoon Drive, 15h00 – 18h00. O tla tswela pele le Thabo Mokone athe Mageseni yena o tla adimisana tshepe ya kgaso le Ntsoaki Motloung ho Re Mmoho, 20h00 – 00h00.
- Mokaubere Lucky Qacha o kgutlela Lesedi FM ka tsa dipapadi mananeong a hoseng le thapama.
- Bosiu bona bo tla kgannwa ke Pitso Tumane ho Re Qhoba Bosiu ka Labone le Labohlano (00h00 – 02h00), athe beke ya bona bosiu e tla thakgolwa ke Rorisang Thandekiso ho tloha Mantaha ho fihla Laboraro.
- Motseki Mabuya o kena dieteng tsa Tsholo Leokaoke ka Merethetho le Thoriso.
“Lenane lena la rona le ipapisitse le letshwao la kgwebo la kgaso ena ya rona o reng; LEHAE LA HAO. Ka sena re hopotsa bamamedi hore Lesedi FM ke lelapa la bona kae kapa kae moo ba leng hona le ho fa tjantjello ya ho etsa letshwao lena la kgwebo la bona,” ho rialo Mookamedi wa tsa Kgwebo Lesedi FM, Mamontha Motaung.
O ekeditse ka hore: “Ke taba haholo hore kgaso e tla etsa motswako wa talente e ntjha le ya kgale ho fana tsebo e fihlellang bohle.”
Lenane le felletseng le eme tjena:
