Mokga wa Democratic Alliance o kgahlano le tshisinyo ya ho tloswa ha toropo ya Harriesmith le mapolasi a mabapi taolong ya Masepala wa Maluti A Phofung ho kenyeletswa Masepaleng wa Phumelela.
Ena ke tshisinyo ya lekgotla la tsheho ya meedi ya bommasepala e leng Municipal Demarcation Board. Setjhaba se fuwe monyetla wa ho ntsha maikutlo a sona mabapi le tshisinyo tse mmalwa tse hlahisetsweng ke Board ena.
Leona Kleynhans, Mmuelli wa mokga ona wa DA ditbeng tsa mebuso ya kopanelo profensing ya Free State o boletse ha tshitsinyo ena e sa phethahatse tlhoko tsa baahi ba sebaka sena.
O re ka kgwedi ya Hlakubele 2022 mokgatlo wa habo o ile wa etsa tlhahiso e phethahetseng ho Municipal Demarcation Board, ya hore sebaka sa boholo ba Harriesmith le Kestell di etse masepala wa tsona o ikemetseng.
“Tlhahiso e phatlaladitsweng ke MDB e supa maikemisetsa a ho arola karolo ya toropo ya Harrismith, Mapolasi le Intabazwe Masepaleng wa Maluti A Phofung ho di kenyelletsa Masepaleng wa Phumelela” ho boletse Kleynhans.
“Tlhahiso ena e tla arola lebatowa la maseterata wa Harrismith, sebaka sa sepolesa sa Harriesmith le ho arola toropo ena ho di indasteri tsa yona, mokgatlo wa DA le baahi ba ka se dumellane le tlhahiso ena, mme mokgatlo ona o tla kenya boipelaetso ba ona ba ho ba kgahlano le tlhahiso ena,” ho rialo Kleynhans
