Lefapha la Bophelo profensing ya Free State le hlokomedisitse le ho netefatsa ho qhoma ha lefu la maselese(measles).
Lefapha lena le netefaditse ditlaleho tse mashome a tsheletseng le metso e mene (64) seterekeng sa Lejweleputswa se kenyelletsang Masepala tsa Nala, Masilonyana, Matjhabeng le Tswelopele.
Mmuso o kgothalletsa batswadi le bahlokomedi ba bana ho etsa bonnete ba hore bana ba entilwe ka botlalo kgahlano le lefu lena.
Mmuso o boetse wa hlalosa ha lefu lena la Maselese e le kokwana-hloko e kotsi e tshwaetsanang ka sekgahla se hodimo, mme e jaleha ha bobebe ho tloha mothong e mong ho ya ho e mong.
