Sepolesa sa motseng wa Warden e Leboya Botjhabela Foreisitata, Masepaleng wa Phumelela, se hlahletse nyewe ya ho nyamella ha motho kamora hore Thabiso Pone ya dilemo tse 15 a nyamelle.
Mme Pone wa Plot D, Warden o tlaleha hore ka Labohlano la 31 Lwetse 2025, horeng ya bo botshelela, o ne sebetsa tshimong le mora hae Thabiso ha tla tloha moo a kopa ho ya ntlwaneng, ya ba ha sa kgutlile.
Kamora ho tswa letsholo la kapele la ho mo batla le metseng ya metswalle e haufinyana, ha a ka a fumaneha, Mme wa hae ke ha a tla tlaleha Sepoleseng sa Warden.
Molaodi wa Seteishene seo sa Sepolesa o ile a kenya tshebetsong letsholo la ho batla Thabiso hang-hang. Thabiso o qetetswe ho bonwa a apere borikgwe ba boikwetliso bo boputswa le sekipa se se kgubedu le meqathatso e metsho. Nyewe ena e fitiseditswe mme e tla batlisiswa ke lekala la Vrede Family Violence, Child Protection and Sexual Offences (FCS) Unit.
Motho ya ka tsebang kapa ho ba le lesedi la moo Thabiso Pone a ka fumanwang teng a ka ikopanya le Vrede FCS Standby number on 071 686 0414 or Crime Stop on 08600 10111. Alternatively, an anonymous tip-off can be dropped via the MySAPS App.
