Tonakgolo e sa tswa kgethwa ya Profensi ya Free State Mxolisi Dukwana o phatlaladitse kabinete ya hae e ntjha kamora ho etsa diphethoho tse mmalwa.
Dukwana o boletse ha a ile a etsa dihlahlobisiso tsa hore ho ile ha etsahala jwang kahare ho Profensi le hore ho be le diphethoho le tshebetso e ntle.
Tonakgolo o boetse a hlalosa hore ke nako ya hore mmuso wa profeinsi ena ya Free State o nke moo puso e satswa feta e seileng teng mme ba tshwarisane ka matsoho ho etsa mosebetsi o motle bakeng sa baahi ba Foreisitata.
E mong wa Matona a sa tswa kgethwa e leng Mathabo Leeto,o boletse hore jwalo ka Letona le letjha la Bophelo o tlameha ho sebetsa ka thata haholo ntlheng ya koloi tse tsamaisang bakudi, hobane ke e nngwe ya dintlha tse hlileng di le hlokolotsi haholo.
Leeto o boletse hore o tla sebetsa le letona la ditsela haholo hobane makoloi a tsamaisang bakudi nakong tse ding a dieha ka baka ka bobe ba ditsela. Athe haele letona leleng lesatswa ho kgethwa Makalo Mohale lefapheng la Thuto,o boletse hore ho matleng a hae ho sebedisana le mesuwe,mesuwetsana le bana ba dikolo ho boloka boemo ba bona ba pele sehlopheng sa leshome ka hare ho naha.
Mohale ore okene dieteng tse kgolo haholo tsa letona la mehleng la Thuto le sa tswa timela,Tate Makgoe, ya neng a itelletse mosebetsi wa hae ebile a etsa bo nnete ba hore baithuti ba dula ba le malala a laotswe bakeng sa dihlahlobo tsa bona.
Mohale o boetse a re leha hole jwalo o tshepisa Profensi le baahi hore o tla sebetsa mmoho le bona ntlheng ena.
Dukwana oitse otla boela a kgutlela setjhabeng ka mora dikgwedi tse tsheletseng mmoho le kabinete ya hae ho tlaleha hore ba se ba fihlelletse eng le teng ho ya pele ba tla etsa jwang.
Diphethoho di bile tjena:
1. Ms Nokwanje Selina Leeto ( MEC – Health)
2. Mr Makalo Mohale ( MEC – Education)
3. Mr Thabo Piet Meeko (MEC- Economic, Small Business Development, Tourism and Environmental Affairs)
4. Mr Moses Ketso Makume (MEC- Cooperative Governance, Traditional Affairs and Human Settlement)
5. Ms Kathleen Dibolelo Mahlatsi (MEC-Public Works and Infrastructure)
6. Ms Maqueen Joyce Letsoha Mathae (MEC- Community Safety, Roads and Transport)
7. Ms Motshidisi Koloi (MEC- Social Development)
