Kgwedi ya Basadi naheng ena e thakgotswe semmuso Thabu Nchu Foreisitata ka Labone la
la 04 Phato selemong sena se hodimo ke Motlatsa Mopresidente wa Naha David Mabiza,
Mopremeri wa Foreisitata Sisi Ntombela hara ba bang.
Ho ketekeng kgwedi ena mmuso wa profensi ya Foreisitata o kentse letsoho ho thuseng
basadi ba nkileng seabo ho tsa temo ka disebediswa, lefatshe le thuso ya ditjhelete e ka
bang R23 milliom.
Motlatsa Mopresidente David Mabuza o boletse hore mmuso o tlameha
ho etsa bonnete ba ho thusetsa le ho kgothaletsa Basadi ho nka karolo ho tsa temo.
Moifo ona wa baetapele o boetse wa kopana le Kabelo Mohapi (22) ya tswang Ficksburg ya
nang le dikgoho tse ka bang lekgolo.
Kamora ho tswa univesiting pele a ka qeta dithuto tsa hae Kabelo ha a ka a fela matla, o rekile dikgoho, a di hodisa le ho di rekisa ho fepa lapa la habo. Tsena o di entse jwalo ho na ntlung ya habo ka baka la ho hloka sebaka sa ho sebeletsa.
Letona la tsa Temo le Ntshetsopele ya Mahae Thembeni Nxangisa le kopilwe ho hlwaya
sebaka moo Kabelo a tla sebeletsa teng. Kgosi Gaboilelwe Moroka wa Barolong boo
Seleka, Matona le Makhanselara ba nkile karolo mosebetsing oo.
