E se e ka ho tla ba bonolo ho sehlopha sa Bloemfontein Celtic ho bapala ho Makgaola-kgang a mehope.
Haufinyana tjena ba sa tswa bapala ho makgaolakgang a mohope wa Nedbank Cup moo ba ileng ba hlolwa teng ke Mamelodi Sundowns ka ntlha e le nngwe.
Papadi eo e bapetse ka Lwetse monongwaha. Ke moo kamora kgwedi tse pedi fela ba iphumana ba le ho makgaolakgang a mohope o mong hape.
Kgetlong lena ke mohope wa MTN 8. Ba emetse mohlodi pakeng tsa Orlando Pirates le Kaizer Chiefs.
Sena se tla kamora hore ba hlole Supersport United ka ntlha ho lefela leotong la bobedi la seka-makgaolakgang a MTN 8 papading e bileng Dr Molemela Stadium, Bloemfontein. Celtic e hapile papadi ena ka palohare ya ntlha tse 2 – 1.
Ntlha ya Siwelele e kene ka Victor Letsoalo.
Bloemfontein Celtic e tla bapala le Orlando Pirates ho Makgaola-kgang a MTN 8 kamora hoba Pirates e hlole Kaizer Chiefs papading tse pedi tsa seka-makgaolang a MTN 8.
